Com votar?

Votacion presenciau

 

Com pogui saber a on me cau votar?

Er es pròplèus dies

 

Quin ei er orari de votacion enes burèus de vòte?

Era votacion s’inície tàs 9.00 ores deth dia 1 d’octobre e contunhe sense interrupcion enquias 20.00 ores deth madeish dia, encara que se demore bèth elector/laguens deth locau o en sòn accès se li permeterà votar.

En cas que i age agut bèra interrupcion, s’alongarà era ora d’acabament tant com age durat era interrupcion (non pòt èster superiora a ua ora).

 

Com m’identifiqui entà votar?

Deuant eth burèu de vòte, vos podetz identificar mejançant:

  • Document nacionau d’identitat (DNI)
  • Passapòrt
  • Permís de menar

Non impòrte qu’aguesti documents siguen caducadi, mès deuen èster es originaus (en cap cas fotocòpia) e damb fotografia.

 

Pòt ua persona votar per ua auta?

Non, en cap cas e jos cap concèpte. Eth vòte ei personau e non se pòt exercir per delegacion.

Maugrat açò, es electors/es que non saben liéger o que, per bèra incapacitat, se tròben empedidi entà préner un bulletin, escuélher ua opcion o entà plaçar eth bulletin laguens dera envolòpa e liurar-la ath president/a deth burèu, pòden anar acompanhades d’ua persona dera sua confidança que les ajude en procès de votacion, dempús dera eleccion e formalizacion deth bulletin enquiara liurason d’aguest bulletin ath president/a deth burèu.

Vòte des electors catalans residenti en exterior

 

Qué è de besonh entà votar se residisqui permanentaments en exterior?

Se viuetz o trabalhatz de manèra permanenta en exterior, cau que sigatz inscrit en recensament coma catalan resident en exterior. Açò vò díder que vos cau hèr part deth Recensament d’electors residenti absenti (CERA) e èster inscrit/a en Registre de catalans e catalanes residentes en exterior dera Generalitat de Catalonha.

 

Se complisqui aguesti requisits, qué me cau hèr entà votar?

Er aguest cas, laguens d’un terme maximau de sèt dies dempús dera convocacion, arreceberatz ua comunicacion dera Administracion electorau deth Govèrn dera Generalitat en vertut dera quau poderatz sollicitar er exerciri deth dret de vòte.

Es electors que volguen exercir eth sòn dret de vòte arreceberàn es instruccions e era documentacion entà hèr efectiu eth sòn vòte, qu’includirà un document d’identificacion personau der elector e eth bulletin de vòte.

 

Un viatge arrecebuda era documentacion de besonh entà votar, com pogui exercir eth dret de vòte?

Poderatz exercir eth dret de vòte exclusivaments per corrèu postau mejançant er enviament d’ua envolòpa modèl C4 (A4) adreçat ara adreça que vos agen assignat ena comunicacion personau arrecebuda e que deuerà includir eth document d’identificacion personau der elector, ua fotocopia deth document d’identificacion valable (DNI o passapòrt espanhòu en vigor) atau coma ua envolòpa modèl C5 o C6, barrada, que contierà eth bulletin de votacion.

 

Quin tèrme è entà hè’c?

Eth tèrme entà qu’era documentacion e eth vòste vòte siguen arrecebudi ena adreça que vos age estat assignada ena comunicacion personau finalize eth dia 1 d’octobre de 2017 tàs 20:00 h (ora catalana).

Vòte accessible entàs persones damb incapacitat visuau

 

I aurà bulletins de vòte entà persones damb incapacitat visuau.

En abséncia d’aguesti bulletins, eth president deth burèu de vòte ajudarà aguestes persones a hèr tot çò que cau entà votar damb totau imparcialitat.

Tanben pòden anar acompanhades d’ua persona de confidança designada pera persona votant que les ajude en procès de votacion, dempús dera eleccion e formalizacion deth bulletin enquiara liurason d’aguest bulletin ath president/a deth burèu de vòte.